Minchas e caramuxos

Felices vacacións a tod@s!

2009-06-24T23:40:00.000+02:00

FESTAAAAAAA!!!!

2009-06-19T18:23:00.003+02:00

O luns 22 teremos un espectáculo de malabares,minicirco, obradoiros de globoflexia, maquillaxe, tatuaxe, xogos populares, karaoke... para amenizar e disfrutar do derradeiro día deste curso; que xa está ben de libros! Ás 13:30 iremos para a clase para despedirnos e entregar as notas de avaliación. E despois.... VACACIÓNS!!!!!

A nosa excursión

2009-06-15T00:11:00.003+02:00

Aquí tedes as nosas aventuras coas abellas. Moitas grazas a tod@s @s monitor@s da Granxa Apípolis que nos fixeron pasar un día tan agradable e divertido.

Apípolis

2009-06-10T23:34:00.003+02:00

E mañá de visita a Apípolis

Signando os nosos nomes

2009-05-22T19:15:00.004+02:00

Hoxe andivemos signando nomes. Estes días andivemos coas letras e hoxe, ademais, puxémonos un signo característico para identificarnos e non ter que andar deletreando. Aquí tedes os resultados das dúas cousas (os erros están perdoados, que non somos intérpretes profesionais):

Cantando

2009-05-21T19:53:00.000+02:00

17 de maio: Día das Letras Galegas

2009-05-17T00:17:00.000+02:00

Letras Galegas 2009: RAMÓN PIÑEIRO

2009-05-13T23:10:00.003+02:00

Como cada ano dende o 1963, o 17 de maio celebramos a grande Festa das nosas Letras. Este ano homenaxeamos a Ramón Piñeiro.

Se queredes saber algo máis sobre el non deixedes de visitar a páxina da Galipedia sobre el, a páxina do Consello da Cultura Galega ou a ben sempre interesante páxina do Seminario Galán.

E agora... LINGUA DE SIGNOS

2009-05-13T19:12:00.002+02:00

Antes de descubrir os "pictos", descubrimos o Braille.

2009-05-10T13:49:00.002+02:00

Eu chorei/Carreteiro (e 2)

2009-05-09T11:01:00.011+02:00

Sube carreteiro, sube, que o carro vai voando,

sube carreteiro sube, que o mundo vai fogando,

Déixame subir ao carro carreteiro, déixame subir ao carro que me muero, morena por ti.

Todo el mundo es contra mi, por el amor que te quiero; todo el mundo es contra mi y yo contra el mundo entero.

Déixame subir ao carro carreteiro, déixame subir ao carro que me muero, morena por ti.

Sube Milagreira sube, baixa e sube, baixa e sube,

sube Milagreira sube, que o mundo vai fogando,

Déixame subir, ao carro carreteiro, déixame subir, ao carro que me muero, morena por ti.

Eu chorei/Carreteiro

2009-05-06T00:01:00.009+02:00

Eu chorei, chorei o domingo á tarde; eu chorei, chorei o domingo á tarde,

que veña Lourenzo, que veña Lourenzo que diga a verdade;

Que diga a verdade pero con cautela, que diga a verdade pero con cautela,

túa nai é meiga, túa nai é meiga, teño medo dela;

Teño medo dela e ela non me come, teño medo dela e ela non me come,

túa nai é meiga, túa nai é meiga, teu pai un mal home;

Eu chorar chorei o domingo á tarde, eu chorar chorei o domingo á tarde, que veña Lourenzo, que veña Lourenzo que diga a verdade;
Contra o Mundo!

23 de abril: Día do Libro

2009-04-22T19:29:00.004+02:00

Música: Migallas (O libro máxico)

Inventamos os nosos pictos (e 3)

2009-04-21T00:35:00.003+02:00

Hoxe aprendemos unha canción

2009-04-17T22:08:00.002+02:00

"Eu chorei, chorei/carreteiro" (versión de Manu Chao)

Inventamos os nosos pictos (2)

2009-04-17T21:59:00.005+02:00

Inventamos os nosos pictos (1)

2009-04-16T18:26:00.008+02:00

Hoxe, despois de aprender algunhas cousas sobre os pictogramas (e despois de fallarnos a conexión a internet) tratamos de poñer en imaxes a primeira das frases que nos propuxo o profe:

Mañá máis.

2 de abril: Día mundial para concienciación do autismo

2009-04-02T10:48:00.002+02:00

Outro misterio máis

2009-03-30T13:57:00.000+02:00

Non puido ser

2009-03-30T13:11:00.001+02:00

Pois non puido ser. A competición foi reñida pero non puido ser: 89 a 86 gañaron @s compis de 2ºB; hai que dicir que un dos nosos grupos tivo a mellor puntuación (33) pero na suma total non chegamos por pouquiño. Non pasa nada, pasámolo ben e demostramos que sabemos moitas cousas. Polo tanto, FELICITACIÓNS PARA TODO O MUNDO!

Concurso 2º A/ 2º B

2009-03-29T23:15:00.000+02:00

E mañá é o día do concurso. Ánimo, que seguro que o facemos moi ben.

A hora do Planeta

2009-03-26T21:28:00.005+01:00

O 28 de marzo, das 20:30 horas ás 21:30 horas; un pequeno xesto, só un click que xa fixeron outros anos millóns de persoas; eu vou "apagar" a miña casa, e ti?
28 de marzo, A Hora do Planeta .

Plantando árbores

2009-03-26T19:49:00.007+01:00

Hoxe fomos transplantar (xunto @s compis de 2º B) a outros testos máis grandes as árbores (si, xa son pequenas árbores) que foron nacendo nas clases daquelas sementes de nogueira, castiñeiro e carballo (e dúas laranxeiras que lles naceron @s nen@s de catro anos) que plantamos xa hai tempo. O Concello de Vilanova proporcionounos os testos e a terra e van facerse cargo deles mentres non se fan aínda máis grandes (que polo momento son pequenos de máis) para despois plantalos nun lugar axeitado (moitas grazas dende a nosa aula por todo).

Entre infantil e primaria conseguimos que medraran (polo momento, que aínda nacerá algún máis) unhas 30 árbores; a nosa pequena contribución para "mellorar" tamén este planeta noso.

ENTROIDO 2009

2009-02-20T20:56:00.002+01:00

Disfrutade do Entroido e vémonos outra vez o xoves 26

Amarel@s

2009-02-19T23:34:00.003+01:00

Entroidada para o xoves

2009-02-18T20:41:00.003+01:00

"Eu son Choqueiro, un boneco moi festeiro; atende ao que che pido, que será moi divertido".
E que nos pide Choqueiro para o xoves:
"O XOVES, POR FAVOR, CON ALGO AMARELO LUCIRÁS MELLOR"

Os "nosos" xornais

2009-02-18T20:32:00.006+01:00

Entroidada do mércores

2009-02-17T22:46:00.003+01:00

"Eu son Choqueiro, un boneco moi festeiro; atende ao que che pido, que será moi divertido".
E Choqueiro dinos para mañá:
"O MÉRCORES CO XORNAL O DISFRACE SERÁ TOTAL"

Que trouxemos nos pés?

2009-02-17T22:27:00.011+01:00

Entroidada do martes

2009-02-16T20:20:00.000+01:00

"Eu son Choqueiro, un boneco moi festeiro; atende ao que che pido, que será moi divertido". E Choqueiro di para o martes: "O MARTES NIN TE CASES, NIN TE EMBARQUES; NON ME MIRES DO REVÉS E PONME ALGO NOS PÉS".

Que trouxemos na cabeza?

2009-02-16T19:20:00.007+01:00

As entroidadas de Choqueiro

2009-02-15T10:48:00.000+01:00

"Eu son Choqueiro, un boneco moi festeiro, atende ao que che pido, que será moi divertido"
E que é o que nos pide Choqueiro para mañá?:
"O LUNS NON TEÑAS PEREZA E TRAE ALGO NA CABEZA"
Xa sabedes, mañá hai que traer algo na cabeza (o pelo non conta, jejejejejejejeje).

Hoxe regalamos abrazos

2009-02-13T16:37:00.010+01:00

Mañá disque é "San Valentín". É un día no que se gasta moito diñeiro en regalos para "amosar" que "se quere" aos demais; nós hoxe chegamos á seguinte conclusión: non fai falta un día determinado para demostrarlle aos demais que os queremos ou apreciamos e, moito menos, gastarnos diñeiro e diñeiro en agasllos cando cun simple abrazo (que podes dar en calquera momento e non nos custa nada) chega.
Por iso, hoxe, había frechas que sinalaban a nosa aula; por iso hoxe regalamos abrazos (os que quixeron facelo) a todo aquel que o quería ou o pedía; por iso hoxe toda aquela persoa que pasaba pola nosa aula levaba un lote de apertas; por iso hoxe cruzamos a rúa e a praza para ir ao outro edificio e compartir isto cos outr@s nen@s e profes; por iso hoxe cun simple xesto pensamos que fixemos (e fomos) ao resto da xente un pouco máis felices.

Cociñando

2009-02-10T21:02:00.003+01:00

Hoxe tivemos a visita do Maitre Antonio García Bono. Pasou darnos unha charla práctica sobre alimentación, elaboración de distintas receitas, batidos, etc.
Puxemos o noso mandil e o noso gorro de cociñeiro e veña, á faena. O primeiro que fixemos foi poñer a mesa (algúns/as estaban moi dispostos para a fin de semana, así que ollo ás sorpresas nas casas). Despois elaboramos galletas, fixemos pan, unhas tortiñas (se é que tamén somos un pouco lambóns) e, por último, tomamos un super batido (mazá, plátano, amorodo, zume e leite; vaia se é un super batido!) e discriminamos distintos olores e sabores (kiwi, lima, mango......).
Ollo a partires de agora nas cociñas que algúns xa querían facer empanadas!

Braille

2009-02-07T09:46:00.005+01:00

Pois como ben nos din na entrada anterior Belén e Valentina (e ben comprobaron outros nenos e nenas da clase) era BRAILLE . Pero agora xurdíronnos outras dúbidas (ademais de saber quen puxo a misteriosa mensaxe):
-Como é que esta "linguaxe" ten este nome?
-Que poñerá realmente? Como sabemos que pon 2ºA?(aínda que algúns xa o descubriron tampouco o teñen claro)
-Se algúns ou algunhas o descubriron, con axuda, mirando na ONCE , que será iso da "ONCE"? (ademais dun sorteo da tele, que xa apuntou algún)
-Se é unha maneira de que os invidentes poidan ler e eles, claro está, non poden ver, como é que o fan se o "texto" que nos deixaron é plano?
Mimá, cantas dúbidas nos xurdiron!

Que será isto?

2009-02-04T23:05:00.003+01:00

Poñendo ladrillos para construír a Paz

2009-01-30T19:46:00.005+01:00

Hoxe tiñamos unha casa que construír; por iso fomos poñendo ladrillos con mensaxes cos nosos mellores desexos de paz (algo que é moi difícil de conseguir incluso nas nosas vidas, no máis próximo, nas nosas actividades diarias. Pero sempre hai que seguir loitando para acadalo). Fomos poñendo ladrillos xunto co resto d@s compañeir@s do cole e convertímonos en albaneis da paz. O tempo non permitiu que o fixésemos ó aire libre; aínda así mereceu a pena polo ambiente creado.

No nome da nosa clase Valentina, Iván, Sara e Roi puxeron os nosos ladrillos: "Ós nenos e ás nenas do Xulio Camba gustaríanos que a felicidade, a harmonía e o cariño inundara o mundo" e "Desexaríamos que todo o mundo fose tan feliz coma o somos nós e que nunca lles falte o amor e o cariño dos seus familiares e amigos".

Pois que se cumpla.
Para finalizar tod@s cantamos unha canción:

Día da Paz: próxima estación.... Esperanza!

2009-01-29T13:00:00.002+01:00

Mañá é o Día da Paz. Este é un mapa dalgún dos conficto que hai no mundo; digo dalgún xa que, por desgracia, hai moitos máis (e non nos fai falta irnos a países moi lonxanos). Sígueme parecendo moi triste que teña que haber un día da paz (para lembrarnos que está aí) cando todos os días tiñan que ser "da Paz" e "en Paz".

Aínda así, como ben se di nesta canción que tantas veces escoitamos: "... a todos aquellos que alguna vez perdieron la esperanza... pase lo que pase, sea lo que sea, próxima estación.... Esperanza (siempre)"...... "Hoy día luna, día pena, hoy me levanto CON razón; hoy me levanto y SI veo por ahí alguna solución; arriba la luna oeaa......."

Espiral de palabras

2009-01-28T18:55:00.003+01:00

Estamos próximos a celebrar o Día da Paz e hoxe chegounos ó correo este poema visual d@s nos@s compañeir@s de 4ºA que está moi axeitado para estas datas, no que utilizaron a palabra paz para deixar voar a súa imaxinación.

Iniciativa pola Paz

2009-01-17T21:09:00.007+01:00

O próximo día 30 celebramos o Día da Paz. Da casa da Señora Tolinha chéganos o aviso desta iniciativa dun colexio andaluz: o CEIP San Walabonso , en Niebla (Huelva). Montaron un blog (Un mensaje de Paz) para recoller mensaxes de todo o mundo que queira envialos para ese día.
Se vos animades, mandade unha mensaxe de correo electrónico ó seguinte enderezo: sanwalabonso.diadelapaz@blogger.com

Veña, eu xa mandei o meu.

Feliz 2009

2009-01-01T00:01:00.001+01:00

Feliz 2009 a tod@s. Que sexa un ano que veña cargado de cousas boas e no que nunca perdades o sorriso.

Felices vacacións

2008-12-19T19:11:00.004+01:00

Estes días foron días movidos; as vacacións achegábanse e no cole había moita actividade: rematar cousas pendentes, ensaios, probas, avaliacións..... e despois festaaaaa! O xoves fixemos unha chocolatada na aula (moitas grazas a tódalas nais, pais, av@s, tí@s, etc, etc, por colaborar e facer que todo isto saíra ben) xunto cos c@s nos@s compis de 2ºB;

ademais fixéronnos unha visita Papá Noel e os Reis Magos, que nos trouxeron uns pequenos agasallos (moitas grazas a tódol@s profes e persoas da ANPA que fixeron posible que nos viñeran a visitar estes personaxes tan especiais) e por último o día da actuación.

Aínda que houbo uns pequenos problemas co son fixémolo xenial e cantamos moi ben (nós e @s compis de 2ºB).

Agora toca disfrutar das vacacións e coller forzas (non moitas jejejejejeje) para volver ó cole o día 8 de xaneiro.

FELICES VACACIÓNS A TOD@S!!!! A DISFRUTALAS!!!!!

Poesía en movemento

2008-12-19T19:01:00.007+01:00

Este é un novo poema visual da nosa clase: é a "poesía en movemento" , os poemas cambiantes. Ademais, é a nosa particular felicitación de Nadal para tod@s vós; a calidade do vídeo non é nada boa pero penso que chega para que vos fagades unha idea do efecto que se quería acadar (é unha pena que non se vexa mellor); algunha das palabras "cambiantes" son: uvas, luz, polo,nadal, ben, árbore, agasallos, paz, esperanza, ledicia..... Cos nosos mellores desexos para tod@s!

"SUBSTANTIVANDO" A HARING

2008-12-05T16:41:00.004+01:00

Unha pouca roupiña

2008-12-04T21:44:00.005+01:00

Aquí temos a canción para o nadal:

E aquí tedes a letra para ir ensaiando:

Imos levar unha pouca roupiña
tres polas, dous galos, mais unha galiña,
un añiño, dúas pombas sin pel,
tres rulas ó xeito e un tarro de mel.

Ai, meu neno,
meu rei, meu meiguiño,
non tes un albergue,
non tes un leitiño.
Sin arrimo, nas pallas estás,
ai, meu queridiño, que frío terás.

Día Internacional dos Dereitos da Infancia

2008-11-20T16:47:00.004+01:00

Hoxe é un día para lembrar algo que ás veces "esquecemos".

Os gañador@s son.......

2008-11-18T20:18:00.003+01:00

Estes son os peóns gañadores; parabéns para @s premiad@s! Grazas a tod@s por participar (para min sodes tod@s gañador@s, de verdade; o feito de participar e que vos implicárades deste xeito, para min xa foi moi importante; de verdade). Por certo, de quen é o "Peón espacial"? Parabéns Valentina!

Camiñando

2008-11-17T16:39:00.002+01:00

Aquí está o noso poema visual:

Poemas visuais

2008-11-12T19:20:00.008+01:00

Aínda non o comentamos na clase, pero aquí tedes un adianto do tema.
Este ano dende o cole de Aguiño fixéronnos a proposta (e por extensión a todo o resto do cole) de facer e intercambiar poemas visuais. Ademais, están "metidos" tamén no proxecto: o CEIP de Puxín, o CEIP de Pazos, o CEIP O Ramo, a EEI A Baiuca e o CEIP Emilia Pardo Bazán (polo momento, que a cousa sigue subindo jejejeje). Espero empezar próximamente, que imaxinación non é que nos falte (e dende aquí animo ó resto das aulas). Por certo, que é un poema visual? Pois aquí tedes unhas mostras do que foi chegando, para que vos fagades unha idea:

Aguiño 2ºB

Aguiño 5ºB

O Ramo (Fene) 3 anos

Podedes ver algún poema máis na páxina das Heroínas de Sálvora (Aguiño).

Celebramos o magosto

2008-11-11T23:32:00.002+01:00

Xogos, música, castañas e..... caras pintadas!

Os nosos peóns

2008-11-10T20:53:00.001+01:00

O día do peón

2008-11-05T19:30:00.006+01:00

Xa sabedes que o 11 de novembro celebramos o Día do Peón.
Que é un peón? Pois un peón é unha buxaina, un trompo, unha peona,..... dependendo da zona chámaselle dun xeito ou doutro.
Que pretendemos? Pois, ademais de que vos aficionedes a un bonito xogo tradicional, que o decoredes, que o personalicedes dunha maneira orixinal; pintadeo, dádelle forma..... como vexades. Faremos unha pequena exposición con todos.
Aquí vos deixo un exemplo dun que foi feito por un neno de 5º. Gústavos?

Veña, animádevos.
E...... polo San Martiño, PEÓNS Ó CAMIÑO!!!

Títeres

2008-11-03T16:34:00.002+01:00

E mañá, a partires das 12, sesión de títeres na Casa da Cultura, organizada pola Concellería de Cultura e a Deputación de Pontevedra.

As nosas cabazas

2008-10-31T20:43:00.004+01:00

Xa pasou o Samaín e estas eran as nosas cabazas.

A verdade é que todas estaban moi ben e cada unha levaba o seu toque de orixinalidade. Ó final Valentina levou un pequeno premio (que ela, xa antes de saber o que era, quería compartir con toda a clase). Sei de boa tinta que o xurado tívoo moi difícil, xa que realmente tod@s o mereciades (o mesmo que @s das outras aulas, que tamén o "curraron"); e, como moi ben dixo Belén, o premio verdadeiro era disfrutar do día (sabias palabras).
Agora a prepararnos para as próximas celebracións: o Día do Peón e o Magosto (que se o tempo o permite serán o día 11).

O Samaín

2008-10-27T16:52:00.006+01:00

Hoxe estivemos meténdonos dentro do que é o Samaín.
Samaín: palabra gaélica que ven querendo dicir “fin do verán”. Para os pobos celtas viña ser coma o fin de ano, o comezo dun ano novo, e era unha data moi importante para eles e moi unida ás ánimas e ó máis aló. Falamos de druídas, de caveiras, de fogueiras, de ánimas, de cabazas, de portas invisibles..... a algún metémoslle un bo susto e tamén deixamos claro que todo son tradicións e que non teñen que darnos medo (que ó final todo o temos que tomar coma unha festa). Falamos do Halloween, que sería a mesma tradición pero levada polos emigrantes que chegaron ós Estados Unidos.
Falamos das historias de medo (contaremos contos de medo), empezamos a decorar a clase......
Vamos, que vai ser unha semana TERRORÍÍÍÍÍFICAAAAAAA!!!!!
Para saber máis sobre o tema podedes consultar: Vieiros da escola ou a páxina do CEIP de Palmeira
Se queredes saber algo de lendas, tradicións, seres míticos, lugares encantados...... da nosa Terra: Galicia encantada
E xa que temos un concurso de cabazas en marcha, podedes ir facendo experimentos aquí: deseña a túa cabaza

Concurso Samain 2008

2008-10-24T18:56:00.005+02:00

SAMAIN 2008

Concurso de CABAZAS “TUNEADAS”

-Colle unha cabaza (mellor das da horta, das de toda a vida).

-Decóraa ó gusto: dálle uns cortes, ponlle dentes, perruca, orellas,..... vamos, tunéaa como queiras e tráea ó cole.

-Non esquezas poñerlle unha candea dentro.

-Faremos unha exposición con elas e encheremos o cole de cabazas.

-Ademais, as 3 máis orixinais terán un premio (polo tanto, espreme os teus miolos).

-Podes traer a túa “obra” dende o mércores día 29 (antes non) e o venres 31 acenderémolas todas.

Non o penses,

ANÍMATE E PARTICIPA!

O corpo

2008-10-21T21:06:00.006+02:00

Hoxe estivemos falando sobre o corpo humano e pasaron de visita pola clase Fermín e María Manuela.
Fermín está un pouco “estropeadiño” que xa ten moitos anos pero puidemos ver os distintos osos, como se xuntan nas articulacións e comprobar a importancia do esqueleto. O pano pirata e a bufanda non lla puxemos nós, foron @s nen@s de 5 anos que, polo visto, despois Fermín foi de visita á súa clase.

A María Manuela, digamos que a “operamos” e puidemos ver todos eses órganos que temos por dentro, todos eses que son tan importantes e nos que non reparamos moitas veces e non vemos, pero que desempeñan a súa función á perfección.

Se queredes saber máis cousas sobre o corpo humano (órganos, funcionamento,.......) pinchade no enlace: El cuerpo humano

Rimas

2008-10-20T16:41:00.002+02:00

Hoxe estivemos coas rimas. Nada mellor que o noso nome para tratar de facer algunha; así: "Roberto Piñón comió una piña encima de un pichón", "Me llamo Rubén Chazo y tengo un cochazo", "Son Vera Piñeiro e fun buscar diñeiro", "Iván Avelenda es una leyenda", "A Yago Irago le gusta nadar en el lago",......
Aínda temos que perfeccionar a "técnica", isto de ser poetas non é fácil, pero para empezar tampouco está nada mal.

Actuación da Escola Municipal de Música

2008-10-08T18:35:00.007+02:00

Hoxe tamén viñeron @s mestr@s da Escola Municipal de Música de Vilanova darnos unha "pequena clase/actuación" (para @s nen@s de infantil e o 1º ciclo de primaria). Ensináronnos algúns instrumentos e como soaban; tamén, algúns nen@s saíron tocalos (ou intentalo, que a trompeta resistíuse). Belén tocou a frauta.

Para finalizar, cantáronnos unha canción:

".... la "suegra" al hombre, el hombre al perro, el perro al gato, el gato al ratón, el ratón a la araña, la araña a la mosca, la mosca a la rana, la rana que estaba cantando debajo del aguaaaaaaa...... (que me quedo sen aire!).
Querémoslles agradecer ós mestr@s que viñeron que nos fixeran pasar este rato tan divertido. Grazas e esperamos que volvades pronto.

Mandalas

2008-10-08T17:12:00.007+02:00

Levamos uns días pintando mandalas. Primeiro fomos por equipos facéndoo e hoxe (como despois tiñamos unha sorpresa coa que non contabamos) fixémolo todos xuntos. Mandala quere dicir, polo visto, círculo ou roda (en sánscrito).

A función dos mandalas vai dende o puramente decorativo ata o uso como medio de meditación, relaxación, desenvolvemento mental, ..... Hai mandalas de formas diversas. Nós estamos con formas xeométricas.

Parece ser que existen diversas maneiras de pintalos (de fóra a dentro, de dentro a fóra, libre, ....) e distintas técnicas. Polo momento, facémolo de dentro a fóra e no sentido das agullas do reloxo (e con ceras).
Existen multitude de páxinas para colorear mandalas. Se queredes seguir, aquí tedes uns cantos.

Normas

2008-09-29T17:56:00.004+02:00

Hoxe estivemos escribindo algunhas normas da clase/cole. Xa sabiamos cales eran, pero pasámolas a papel para que todo estivera máis claro. Ademais, non podemos dicir que é algo imposto, xa que fomos nós os que as dixemos. Seguro que se nos ocorre algunha máis, pero polo momento hannos chegar.

Reciclando

2008-09-27T11:42:00.006+02:00

Estamos completamente metidos no asunto de montar os nosos colectores de reciclaxe. Estivemos recortando para pegar as cousas que poden ir neles

e pintando para forrar as caixas/colectores

Tamén "tentamos" aprender cousas sobre o consumo responsable, coidado do medio ambiente e demais. Para saber máis podedes entrar, por exemplo, na páxina de Sogama ou na de Ecoembes.

Seguiremos durante a semana (e ó longo de todo o curso claro). Por certo, aínda nos falta unha caixa jejejeje.

Día europeo das linguas

2008-09-26T16:24:00.004+02:00

Hoxe día 26 de setembro, celébrase o Día europeo das linguas. Trátase dunha idea que provén do Consello de Europa para celebrar a diversidade lingüística europea e o plurilingüismo.
E Europa exísten unhas 225 linguas autóctonas. Con respecto ó número de falantes as diferenzas son moi importantes, xa que temos linguas con moitos millóns de falantes e outras de só uns cantos miles: así por exemplo o ruso é falado por uns 160 millóns de persoas mentres que o mirandés fálano só unhas 15.000.Con respecto ó castelán e ó galego fálano uns 45 millóns e uns 2,7 millóns respectivamente, e nós temos a inmensa sorte de poder disfrutar dos dous.

Empezando a coñecer un novo artista

2008-09-18T17:33:00.009+02:00

Hoxe empezamos a coñecer un artista novo:

Trátase de Keith Haring (1958-1990). Se queredes ver algunha obra máis ou xogar con algún dos seu personaxes podedes entrar na páxina de Haring Kids.

Que vos parece a obra que empezamos, non está quedando mal, non?

Estes somos nós

2008-09-17T16:47:00.004+02:00

Estes días son días raros; andamos clasificando material, poñendo/coñecendo normas, traendo e levando libros, facendo pequenas probas, coñecendo ós profes novos..... vamos, que non paramos.
Aínda así hai que presentarse:

Iván, Eloy, Belén, Roberto, Carlos, Pedro, Rubén, Sara, Valentina, Dolores, Erika, Roi, Pablo, Alba, Mariña, Germán, Kevin, Yago, Róber, Diego e Meritxell (faltan Alejandro e Vera pero xa o editaremos cando estemos todos na foto). ESTES SOMOS NÓS, @S NEN@S DE 2º A!!!

Hoxe empezamos

2008-09-11T21:20:00.003+02:00

Hoxe empezamos o cole e hoxe empezamos este blogue/caderno/bitácora. As mincheiras e caramuxeiros trataremos de contarvos as pequenas cousiñas que vaiamos facendo ó longo deste curso. Esperamos que vos gusten, que nos deades ideas e que nos visitedes moitas veces.